хақан фидан <әл әрәбийә> телевизийә қанилиниң зийаритни қобул қилип ғәззә һәққидә тохталди
хақан фидан мәркизий ишханиси дубәйгә җайлашқан әл әрәбийә телевизийә қанилиниң зийаритини қобул қилип байанат бәрди.
түркийә авази радийоси хәвири: ташқи ишлар министири хақан фидан: «әгәр биз (ғәззәдики) бу паҗиәдин савақ алмисақ, мәсилини икки дөләтлик һәл қилиш чарәси билән һәл қилмсақ, бу әң ахирқи ғәззә уруши болмайду» деди.
хақан фидан икки дөләтлик һәл қилиш чарәси мәсилисидә, түркийәниң тиришчанлиқлирини күчәйтидиғанлиқини, ислам дунйасиниңму пәләстин мәсилисидә әмдиликтә иттипақлиқ ичидә һәрикәт қиливатқанлиқини байан қилип, йәнә мундақ деди:
«әгәр биз бу паҗиәдин савақ алмисақ вә мәсилини икки дөләтлик һәл қилиш чарәси билән һәлқилмисақ, бу әң ахирқи ғәззә уруши болмайду. башқа уруш вә көз йашлири бизни сақлаватқан болиду. биз исраилийәниму1967-йилидики чеграни қобул қилишқа тәклип қилишимиз керәк. пәқәт һамасла әмәс, бәлки барлиқ пәләстинликләрму 1967–йилидики чеграни асас қилған һалда қурулидиған пәләстин дөлитини қобул қилишқа рази.»
