б д т балилар фонди җәмийити пәләстиндә кичик балиларни өлтүрүшни тохтитишни тәләп қилди
бирләшкән дөләтләр тәшкилати балилар фонди җәмийити (UNICEF) пәләстин земинида кичик балилар өлүмини чоқум тохтитиш керәкликини билдүрди.
түркийә авази радийоси хәвири: бирләшкән дөләтләр тәшкилати балилар фонди җәмийити (UNICEF) ниң оттура шәрқ вә шималий африқа райониниң директори адилә ходрниң байанати, б д т балилар фонди җәмийити (UNICEF) ниң X бетидә елан қилинди.
адилә ходр йеқинқи 72 саәт ичидә ғәззәниң җәнубидики рәфаһ шәһиридә 14 кичик бала вә ғәрбий қирғақтики тулкәрим шәһиридә үч кичик балиниң өлтүрүлгәнликини билдүрди.
пәләстин земинидики кичик балиларниң узундин буйан ечинишлиқ вә рәзил зораванлиқларниң патқиқиға петип қалғанлиқини тилға алған адилә ходр, пәләстиндә кичик балиларниң өлтүрүлүшини чоқум тохтитиш вә уруш тохтитишни әмәлгә ашуруш керәкликини тәкитлиди.
исраилийә армийәси радийоси 18 - апрел (2024) да ғәрбий қирғақниң шималиға җайлашқан тулкәрим шәһиридики нур шәмс панаһланғучилар лагериға қарита «кәң көләмлик һәрбий һәрикәт» башлиғанлиқини елан қилған иди.
исраилийә әскәрлириниң нур шәмс панаһланғучилар лагериға қилған һуҗумида, 14 пәләстинликниң шеһит қилинғанлиқи уқтурулған иди.
гуваһчилартүнүгүн (21-апрел) кәчтә исраилийә армийәсиниң лагерға қилған һуҗуминиң ахирлашқанлиқини вә райондин чекингәнликини билдүргән иди.
