ака-укилар музика әтрити консерт киримлирини пәләстинликләргә ианә қилиду
үч пәләстинлик ака-ука қурған «Le Trio Joubran» намлиқ музика әтрити истанбулдики консерттин кәлгән киримләрни пәләстинликләргә ианә қилидиған болди.
түркийә авази радийоси хәвири: пәләстин музикилирини дунйаға тонутқан «Le Trio Joubran» 24-нойабир истанбулда консирт берип, музика һәвәскарлири билән учришиду.
«Le Trio Joubran» намлиқ музика әтрити иҗтимаий алақә торида елан қилған байанатида, консерттин кәлгән киримләрни қизил крест җәмийитигә вә пәләстиндә давалинишни сақлаватқан йаридарларға ианә қилидиғанлиқини җакарлиди.
ака-ука самир, виссам вә аднан җубрандин тәркиб тапқан музика әтрити, бүгүнгә қәдәр сәккиз данә албум чиқарди.
хәлқарадиму шөһрәткә игә болған музика әтрити «париж олимпийәси» дин «нийу йорк карниг һал» ғичә болған охшимиған җайларда миңлиған кишиләргә консерт бәрди.
кино- филим музикилириниму иҗат қиливатқан бу әтрәт, 2009-йили дубәй фестивалида «әң йахши нота» бойичә мукапатқа еришкән иди.
