османли таамлиридин күнимизгичә сақлинип кәлгән «чилбир» испанийә гезитидә тонуштурулди

түркийә авази радйоси хәвири: «20 минут» намлиқ гезитиниң гастрономийә истонида, «сиз чилбирни тетип баққанму? бу сағлам вә әнәниви түрк тамиқини 20 минутта тәййарлийалайсиз» темиси астида «чилбир» тонуштурулди.

испанийәниң пелла вә тортеллаға охшаш типик вә мол таамлири барлиқи, әмма чәт әл тәмлиригиму очуқ икәнлики тилға елинған мақалидә, «чилбир» үчүн: «һәм сағлам озуқлинишни, һәм дора - дәрмәклик йемәкликләрни йақтурсиңиз, бу ретсип дәл сизгә лайиқ. әмма, диққәт қилиң, у дора - дәрмәклик болғанға охшашла озуқлуқи интайин мол таам» дейилди.

гезитиниң гастрономийә истонида «чилбир» ниң түркийәдә наһайити типик тамақ икәнлики вә чәт әлдә «түрк тухуми» дәпму атилидиғанлиқи әскәртилип, мол қетиқ қийами, азирақ қизилмуч вә суда пишурулған тухум билән йасалған бу тамақни чоқум тетип беқиш керәклики тәкитләнди.

испанийәдә түрк таамлири көпинчә дөнәр, кавап, түрк татлиқ түрүммлири вә баклава билән тонилиду.