مۇسۇلمانلار بۈگۈن قەدىر كېچىسىنى كۈتۈۋالىدۇ

تۈركىيە ئاۋازى رادىيوسى خەۋىرى: ئىسلامدا قۇرئان كەرىم نازىل بولۇشقا باشلىغان قەدىر كېچىسى «ئاسماننىڭ دەرۋازىلىرى ئېچىلىپ، دۇئا ۋە تەۋبە قوبۇل قىلىندىغان مۇبارەك كېچە» دەپ قارىلىدۇ.

قەدىركېچىسىدە كۆپ تەۋبە قىلىش، ئىستىغپار ئېيتىش ۋە قۇرئان ئوقۇش تەۋسىيە قىلىنىدۇ.

مۇھەممەد ئەلەيھىسسالام «مىڭ ئايدىن ئارتۇق» بولغان قەدىر كېچىسىدە، «ئى ئاللاھ! سەن ئەپۇ قىلغۇچىسەن، ئەپۇ قىلىشنى ياخشى كۆرىسەن، مېنىمۇ ئەپۇ قىلغىن» دەپ دۇئا قىلىشنى تەۋسىيە قىلغان ئىدى.