әрдоған мәвланани хатириләш паалийитидә өзара муһәббәтни тәкитлиди
җумһур рәис рәҗәп таййип әрдоған һәзрәти мәвлананиң йетәкчиликидә худди өтмүштикигә охшашла кәлгүсиниму муһәббәт, көйүмчанлиқ вә иттипақлиқ үстигә қуруп чиқидиғанлиқини ейтти.
түркийә авази радийоси хәвири: җумһур рәис әрдоған конйадики мәвлана күлтүр мәркизидә өткүзүлгән һәзрәти мәвлананиң 749 - йиллиқини хатириләш мурасимида оқулған учурида, улуғ мутәпәккур, мутәсәввуп вә қәлб султани мәвлана җәлалиддин румини аллаһтин рәһмәт тиләш билән хатирилиди.
әрдоған учурида, һәзрәти мәвлананиң қәлбләргә шиңдүргән муһәббәт отиниң аридин йәттә йерим әсир өткән болушиға қаримай, һазирму қәлбләрни саплаштурушни давамлаштуриватқанлиқини әскәртип, «болупму районимизда тоқунушлар әвҗ алған бүгүнки күндә һәзрәти пиримизниң төвәндики нәсиһәтлиригә қулақ селишимиз керәкликигә ишинимән: <аччиқлар муһәббәттин татлиқ болиду, мис муһәббәттин алтунға айлиниду. муһәббәттин қайнам-ташқинлиқ дуғ суларму саплишиду. дәртләр муһәббәттин шипа тапиду. муһәббәттин өлүкләрму тирилиду. муһәббәт билән султанларму қулға айлиниду> шундақ, муһәббәт мәдәнийитиниң мәнсуплири болуш сүпитимиз билән биз биринчи болуп, өз-ара муһәббәтни орнитимиз, андин қошнилиримиздин башлиғанчә, биз пүткүл инсанийәткә муһәббәт вә сөйгиниң шундақла көйүмчанлиқниң тили билән хитаб қилимиз. һәзрәти мәвлананиң йетәкчиликидә худди өтмүштикигә охшашла кәлгүсимизниму муһәббәт, көйүмчанлиқ вә иттипақлиқ үстигә қуруп чиқимиз» деди.
