hindistanliq qiz bilen pakistanliq yigit öz döletliride qilalmighan toyni antalyada qildi
keshmir mesilisi sewebidin hindistan bilen pakistan otturisidiki yirikchilik, her ikki döletning puqralirigha tesir körsetmekte.
türkiye awazi radiyosi xewiri: amérikada yashaydighan hindistanliq simita kalan bilen pakistanliq ferxan hüseyin öz döletliri otturisidiki yirikchilik sewebidin toy qilalmighandin kéyin, toyini antalyada qildi.
hindistanliq simita kalan bilen pakistanliq ferxan hüseyin ötken yili toy qilish qararigha kélishken idi.
aililer deslepte kkilinip narziliq bildürdi. emma, qiz yigit bilen tonushqandin kéyin, toygha maqul boldi.
öz döletliride toy qilalmighan bu bir jup, toy murasimi üchün bashqa döletlerni izdeshke bashlidi. nurghun döletlerni tekshürgendin kéyin, axiri türkiyeni tallap, antalyaning manawgat nahiyesidiki déngiz sahilida toy qildi.
hem pakistan, hem hindistanning enenisi boyiche ötküzülgen toygha qatnishish üchün her ikki dölettin tughqanliri antalyagha keldi.
deslepte islamiy usullar boyichi nikah qilish bilen bashlanghan toy murasimi, hindistan enenisi boyiche dawamlashti.
toy murasimi toygha qatnishalmighan hindistandiki méhmanlargha intérnét arqiliq biwasite körsitildi.
