23.11.2022

türkiye awazi radiyosi: «‹xeber türk› géziti», «warank: <türkiye 2021-yili sanaet mülkiyet hoquqi iltimasi we tizimlashta ijabiy perqlendi> dédi» serlewhilik xewiride, sanaet we téxnika ministiri mustafa warankning: «2021-yili dawamlishiwatqan kowid-19 yuqumigha qarimastin, yerlik iltimas we tizimgha aldurush nisbitining köpiyishi bilen nurghun döletlerge sélishturghanda ijabiy nuqtidin perqlinishte muweppeqiyet qazanduq. aldinqi yili 352 jughrapiyelik isharetni tizimgha aldurush bilen, omumiy tizimgha aldurulghan san 990 gha yetti. hazir yawropa ittipaqida tizimlanghan 7 jughrapiyelik isharitimiz bar» dégenlikini yazdi

«‹höriyet› géziti», «bayraqtar aqinji tihaning tunji ékisport toxtami imzalandi» serlewhilik xewiride, jumhur reislik dölet mudapie sanaiti idarisi bashliqi ismail demirning bayraqtar aqinji tiha (uchquchisiz hujumchi ayropilan) ning tunji éksport toxtamining imzalanghanliqini élan qilghanliqini yazdi.

«‹yéngi shepeq› géziti», «amérikada 1 milyon dollarliq xamchotqa ige nopuzluq orunduqqa türk doxtur teyinlendi» serlewhilik xewiride, munu uchurlargha orun ajratti:

amérika arkanzas tébbiy penler unwérsititi 13-yanwarda qulaq, burun, kékirdek bash we boyun opératsiyesi reislikige türk doxtur özlem tulunay ughurni teyinlidi.

«‹sabah› géziti», «<sherq téz poyizi>ning riwayetlerdikidek sayahiti dunya metbuatlirida orun aldi» serlewhilik xewiride, firansiyening «AFP» xewer agéntliqining «riwayetlerdikidek sayahet» serlewhisi bilen <sherq téz poyizi>ni tonushturghanliqini, engliye musteqilliq gézitining bolsa, «dunya boyiche eng güzel 4 poyiz liniyesining biri» dégenlikini «AFP» xewer agéntliqining xewirini öz bétige neqil qilip ishletken «Euronews» torining, «türkiyening paytexti enqeredin yolgha chiqip, anadoluning boz qirliri we firat deryasining yaylaqliridin ötidu!» dégen sözlerni ishletkenlikini yazdi.

«‹sabah› géziti», «sayahetchiler türkiyege seldek aqmaqta» serlewhilik xewiride, munu uchurlargha orun ajratti:

türkiye sayahet ajantiliri birliki (TÜRSAB) ning reisi firuz baghlikaya qar süpiti we téyilinish meydani ul esliheliri bilen alahide közge chéliqidighan qar téyilish meydanlirining yéqinqi yillardin buyan chetellik sayahetchiler teridinmu intayin yaqturushqa érishkenlikini bildürüp: «hazir sétilish nisbitimiz 2021 – yilidikige sélishturghanda 2 hessidin 5 hessigiche yuqiri örlidi» dédi.