30.12.2021
bügünki türkiye gézitliride asasiy salmaqni igiligen xewerlirimiz töwendikiche:
«‹höriyet› géziti», «erdoghan: <pirinkayalar tonéli xelqaraliq ulinishlarning bir qismi bolidu> dédi» serlewhilik xewiride, jumhur reis rejep tayyip erdoghanning erzurum-artwin yoligha jaylashqan pirinkayalar tonélining échilish murasimida sözligen nutuqida, «bu tonil bilen teng kawkaz rayonigha bolghan qatnash zichliqi yénikleydu, bu tonil xelqaraliq ulinishning bir qismigha aylinidu» dégenlikini yazdi.
«‹yéngi shepeq› géziti», «ispaniye taratquliri: <türkiye 2030-yilda eng bay 5 döletning birsige aylinidu> dédi» serlewhilik xewiride, munu uchurlargha orun ajratti:
ispaniye iqtisad zhurnili «Muy & Negocias Economia» da, türkiye kelgüside iqtisadi eng tereqqiy qilidighan döletler qatarida körsitildi. «2030-yili dunyadiki eng bay döletler bular؛» témiliq maqalida, 2030-yili türkiyening GDP (ichki ishlepchiqirish omumiy qimmiti) ning 2 tirilyon yawrodin éshishi bilen dunyaning beshinchi chong iqtisadigha aylinidighanliqi otturigha qoyuldi.
«‹star› géziti», «qérindash dölet «türkowak waksinisini testiqlidi» serlewhilik xewiride, türkiyede yerlik ishlepchiqirilghan türkowak waksinisining 3-basquchluq tetqiqati üchün ezerbeyjanda ruxset bérilgenlikini yazdi.
«‹sabah› géziti», «sayahet ministiri ersoy: <yuqumgha qarimastin, 2021-yili 29 milyon sayahetchi sanini ashtuq> dédi» serlewhilik xewiride, munu uchurlargha orun ajratti:.
medeniyet we sayahet ishliri ministiri mehmet nuri ersoy: «yuqumgha qarimastin, 2021-yili türkiye chetellik sayahetchilerning sanida 29 milyondin, sayahet kirimide 24 milyard dollardin ashti» dédi.
«‹weten› géziti», «150 döletning dosqinigha zinnet boldi» serlewhilik xewiride, munu uchurlargha orun ajratti:
anadolu tupriqida östürülgen méwe we köktatlarö dora -dermek, zeytun, zeytun yéghi, qurutulghan méwe, danliq ziraetler, purchaqlar we yaghliq uruqluqlar bilen arilashturulghan shundaqla ishtiha achquchi tem ziyapitige aylanghan lezzetler, 150 döletning dosqinini zinnetlep, türkiyege 2021 - yili 1-aydin 11-ayghiche bolghan ariliqta 207 milyon dollar tashqi péréwot élip keldi.
