ushaqta qedimiy qurbanliq supisi tépildi
ushaqning ulubey nahiyesige jaylashqan qedimiy sheher blaundosta epsanilerdiki déhqanchiliq we bereketning simwoli dep atalghan ayal ilah démétér butxanisida bir qurbanliq supisi (qurbanliq qilinghan diniy supa) qézip chiqirildi.
1750566
türkiye awazi radiyosi xewiri: büyük iskenderning anadolugha huqum qilishi jeryanida makédoniyedin kelgen eskerler olturaqlashqan we chongqur jilghilar bilen qorshalghan tagh choqusidiki blaundos namliq qedimiyy sheherde, arxiologiyelik qézip tekshürüsh xizmetliri bu yil démétér butxanisi jaylashqan rayongha merkezleshti.
ushaq uniwérsitéti arxéologiye fakultétining oqutquchisi proféssor doktor birol janning riyasetchilikide élip bérilghan tetqiqatlar jeryanida, epsanilerde déhqanchiliq, ashliq we hosulgha simwol qilinghan ayal ilah démétér butxanisining hoylisidin qurbanliq supisi tépildi.
qézish etriti qurulmini chöridigen halda élip barghan tetqiqatlar jeryanida yene, wézantiye dewrige tewe dep qaralghan su kölchikimu tépildi.
