17.06.2021

firansiyede chiqidighan «‹lé mondé›  géziti» kowid -19 yuqumigha alaqidar xewiride, bügündin bashlap firansiyede ochuq hawada maska taqash mejburiyiti hemde yekshenbe künige qeder kochigha chiqishni cheklesh belgilimisi emeldin qaldurulidighanliqini élan qildi.

firansiyening «‹France 24› téléwiziye qanili», (rosiye pirézidénti) wiladimir putin bilen (amérika pirézidénti) jo baydinning uchrishishida «hemkarliqta öz-ara menpeet bar» déyilgenlikini xewer qildi.

firansiyede chiqidighan «‹lé figaro›  géziti», töwendiki xewerni élan qildi:

«(italiyede) rim olimpik tenterbiye meydanigha yéqin jayda bomba tehditi. italiye taratqulirining xewirige qarighanda, tenterbiye meydanigha yéqin jayda toxtaq aptomobildin bayqalghan partilatquch pachaqlap tashlanghan»

ereb we ingiliz tillirida chiqidighan «‹elqudsul erebi› géziti», «nyu-york waqit géziti»ning «yadro kélishimige qaytish iran mesilisini hel qilalmaydu» serlewhilik xewer élan qilghanliqini yazdi.

«‹elqudsul erebi› géziti», yehudiy köchmenlerning gherbiy qirghaqning shimalidiki pelestinliklerning öylirige hujum qilghanliqini xewer qildi.

iyordaniyede chiqidighan «‹eddustur› géziti», yigirme yilda tunji qétim dunya miqyasida ishleydighan kichik balilar sanining ashqanliqini xewer qildi.

qatarning «‹eljezire› qanili», bir türküm kandidatlarning chékingenlikige qarimay, (iranning dini rehbiri eli) haminining prézidéntliq saylimigha keng qatnishishqa chaqiriq élan qilghanliqini xewer qildi.

gérmaniyening «‹Bild.de› xewerler tori», amérika prézidénti jo baydinning: «rusiye prézidénti wiladimir putin yéngi bir soghuq urushni xalimaydu» dégenlikini xewer qildi.

gérmaniyening «‹Spiegel.de› xewerler tori», gérmaniyede hindistandiki özgergen wirus türining köpeygenlikini, gérmaniyede élip bérilghan kowid sinaqlirining % 11 ide hindistandiki özgergen wirus türining bayqalghanliqini xewer qildi.

gérmaniyening ‹Tagesschau.de› xewerler tori», gérmaniye sehiye ministiri jéns spaxnning éhtiyajdin artuq maska sétiwalghanliqi üchün tenqidliniwatqanliqini xewer qildi.

ispaniyede chiqidighan «‹El Pais› géziti», ispaniyede 40 yashliqlarning köpinchisining mushu ay tunji waksina bilen emlengenlikini, 30 yashliqlarning bolsa,  iyul éyida tunji qétim emlinidighanliqini xewer qildi.

ispaniyede chiqidighan «‹La Vanguardia› géziti», biryussél dairilirining ispaniyening 69 milyon 500 ming yawroluq qutquzush pilanigha yéshil chiragh yéqip bergenlikini xewer qildi.

argéntinada chiqidighan «‹ Infobae › géziti», chili tébbiy penler akadémiyesining kowid-19 bémarlirining aldini élish üchün üch hepte karantingha qaytishni tewsiye qilghanliqini xewer qildi.

rusiyening «<Lenta.ru> xewerler tori», amérika prézidénti jo baydin bilen rusiye prézidénti wiladimir putinning uchrishishigha «yaxshi we ijabiy» dep baha berdi.

rusiyening «‹TASS› agéntliqi, rusiye pirézidénti putin bilen amérika pirézidénti baydinning uchrishishida, ukraina mesilisiningmu kün tertipke kelgenlikini xewer qildi.

rusiyening «izwéstiya géziti», amérikining sabiq pirézidénti donald trampning putin bilen baydin otturisidiki uchrishishqa qarita  «amérika üchün bir meghlubiyet» dep qaraydighanliqini xewer qildi.