liwanda türkiye téléwiziye tiyatirliri bu yilmu eng köp körülgenler ichide birinchi

türkiye awazi radiyosi xewiri:  liwanning eng köp körülidighan téléwiziye qanili «El-Cedid» ramizanning bashlinishi bilen 2 türkiye téléwiziye tiyatirini ékrangha élip keldi.

«El-Cedid» qanali nuqtiliq xewerler programmisining aldi-keynide liwan tamashibinlirigha «ishq gep anglimaydu» we «dolunay» namliq 2 türkiye téléwiziye tiyatirini teqdim qildi.

döletning aldinqi qatardiki qanallirining biri bolghan «MTV» mu türkiye téléwiziye tiyatirliridin «mulayim ishq» namliq yüüshlük filimni tamashibinliri bilen yüz körüshtürdi.

liwanda süniy hemrah arqiliq tarqitilidighan téléwiziye qanallirining biri «LBCI» bolsa, ötken yili birinchi peslini tarqanqan «parcha parcha» namliq türkiye téléwiziye tiyatirining ikkinchi peslini hemde yene «seper qizi» namliq türkiye téléwiziye tiyatirini tarqitishqa bashlidi.

liwan xelqi ottura sherqtiki bashqa xelqlerge oxshash türkiye téléwiziye tiyatirliri bilen tunji qétim 2007-yilida tonushqan bolup, bolupmu ramizan mezgilide türkiye téléwiziye tiyatirlirini eng köp köridighan ereb xelqlirining aldinqi qatarida turidu.

merkizi liwangha jaylashqan ipsos tetqiqat shirkitining doklatigha asaslanghanda, liwanda 2020-yili ramizanda eng köp körülgen ikki téléwiziye tiyatiri türkiye téléwiziye tiyatiri bolghan. liwanda eng köp körülidighan aldinqi qatardiki 10 téléwiziye tiyatirining 6 si  yene türkiye téléwiziye tiyatiri bolghan.

doklatta bildürülishiche, bultur liwanda ramizan éyida «qara déngiz» namliq türkiye téléwiziye tiyatiri %18.46 lik körülüsh bahalash numuri bilen birinchi orungha ötken. « aq we qara muhebbet» namliq türkiye téléwiziye tiyatiri bolsa, %18.37 lik körülüsh bahalash numuri bilen ikkinchi bolghan.