25.02.2021

bélgiyede chiqidighan «‹lé soér›  géziti», tünügün bélgiye déngiz qirghiqining sayahetchiler bilen liq tolghanliqini, sheher bashliqlirining buninggha qarita «yuqum sewebidin qobul qilghili bolmaydu» dégenlikini xewer qildi.

firansiyede chiqidighan «‹lé mondé›  géziti» fransiyede heptisige 100 kishidin birsi kowid-19 bilen yuqumliniwatqanliqini, shunga firansiyening dankérké rayoni we etrapida kochigha chiqishni cheklesh yolgha qoyulidighanliqini xewer qildi.

«‹lé figaro›  géziti», shiwéyétsariyede 1-marttin étibaren kowid -19 tedbirliri dairiside taqalghan dukan, muzéy we dala tenterbiye eslihelirini öz ichige alghan nurghun paaliyetlerning «éhtiyatliq» halda qayta échilidighanliqini xewer qildi.

gérmaniye awazi radiyosi, gérmaniye hökümitining özini özi tekshürgili bolidighan kowid-19 ni tekshürüsh üskinisini testiqlighanliqini xewer qildi.

gérmaniyening «‹Spiegel.de› xewerler tori», gérmaniyede texminen 21 milyon kishining kowid-19 yuqumi dairiside, xeterlik derijisi yuqiri kishiler katigoriyeside ikenlikini xewer qildi.

gérmaniyening «‹ard.de› xewerler tori», amérikaning kaliforniye ishtatida örgirishke uchrighan yéngi tiptiki korona wirusi bayqalghanliqini xewer qildi.  

ispaniyede chiqidighan «‹El Pais› géziti», ispaniye sehiye ministirliqining «8-mart» agahlandurushi  dairiside hökümetning xelqara ayallar bayrimi munasiwiti bilen 500 din artuq kishining madridqa yighilishini chekligenlikini xewer qildi.

méksikada chiqidighan «‹El Universal› géziti», amérika fédératsiye tekshürüsh idarisi (FBI) ning (türmidiki zeherlik chékimlik ​​xojayini jowchin guzman) ning ayali émma koronélni «sinaloa shaykisining kattibashliqi qilish» bilen eyibligenlikini xewer qildi.

 chilida chiqidighan «‹la térséra›  géziti», kowid -19 gha qarshi yasalghan sinofarma waksinisini pat yéqinda 3 yashtin 17 yashqiche bolghan balilargha emleshke bolidighanliqini xewer qildi.

iyordaniyede chiqidighan «‹eddustur› géziti», washingitonning layihe nishani dairiside pelestinliklerni qollash wedisini qayta tekitleydighanliqi xewer qildi.

«‹elqudsul erebi› géziti», (öltürülgen seudi erebistanliq zhurnalist) jamal kashiqchi doklatining bügün élan qilinishi mumkinlikini we amérika pirézidénti jo baydinning bügün seudi erebistan padishahi salman bin abduleziz el seudqa téléfon qilidighanliqini xewer qildi.

«‹elqudsul erebi› géziti», «nyu-york waqit géziti» ning süriyede namratliqi yuquri chekke yetken ayallarning chachlirini sétiwatliqini, süriye pirézidénti bashar esedning bolsa, bu mesilini hel qilish charisi süpitide téléwiziyelerdiki yémeklik programmilirini emeldin qaldurush bilen kupaye qilghanliqini xewer qildi.

rusiyening «‹TASS› agéntliqi», rusiye dölet mudapie sanaiti shirkiti rostéxning ijraiye komiti reisi  sérgéy chémézowning «rusiyening S-400 mudapie sistémisini türkiyege sétip bérishi, shimaliy atlantik ehdi teshkilatigha eza bashqa döletlerning bixeterlikige ziyan yetküzmeydu» dégenlikini xewer qildi.

rusiyening «kommérsant géziti», erméniye armiye bash ishtabi birinchi muawin bashliqi tiran hachatranning rusiyede yasalghan «iskender» bashqurulidighan bombisining aldinqi qarabagh urushida ishqa yarimighanliqini tekitlep, bash ministir nikol pashinyanni tenqid qilghanliqi üchün  wezipisidin élip tashlanghanliqini xewer qildi.

rusiyening «izwéstiya géziti», rusiye muawin diplomatiye ministiri sérgéy riyabkowning rusiyening dollargha bolghan béqindiliqini azaytish kéreklikini éytqanliqini xewer qildi.