25.02.2021

«‹sabah› géziti»,  «erdoghan: <biz her bir tamche qanning hésabini alimiz> dédi» serlewhilik xewiride, munu uchurlargha orun ajratti:

jumhur reis rejep tayyip erdoghan edalet we tereqqiyat partiyesining wilayetlik qurultiyida sözligen nutuqida: «térorluqqa qarshi küresh saheside basqan qedemlirimizning ijabiy netijisini körüshke bashliduq. hem térrorluq teshkilatigha qétilghanlarning sanida, hem térrorluq teshkilatining paaliyetliride töwenlesh körülmekte. millitimizning birliki we barawerlikige qest qilghan peskeshlerdin her bir tamche qanning hésabini alimiz» dédi.

«‹höriyet› géziti»,  «xelqara kréditni derijilendurush orgini mudi türkiyening iqtisadiy tereqqyat mölchirini yuqiri kötürdi» serlewhilik xewiride, munu uchurlargha orun ajratti:

xelqara kréditni derijilendurush orgini mudi türkiyening 2021-yilliq iqtisadiy tereqqiyat mölchirini %3.5 tin %4 ge we 2022-yilliq tereqqiyat mölchirini %4 tin %5 ge örletti.

«‹yéngi shepeq› géziti»,  «istanbul ayrodorumi xelqara ayrodorum kéngishining kélimat dosti eqliy iqtidarliq ayrodorumliri tizimlikige kirgüzüldi» serlewhilik xewiride, munu uchurlargha orun ajratti:

istanbul ayrodorumi ayrodorum karbon étirapnamisi dairiside xelqara ayrodorum kéngishi (ACI) teripidin tarqitilghan birinchi derijilik kélimat dosti eqliy iqtidarliq ayrodorum guwahnamisigha érishti.

«‹star› géziti», «kléopatra déngiz sahili yawropadiki eng yaxshi déngiz sahili tizimlikige kirdi» serlewhilik xewiride, munu uchurlargha orun ajratti:

dunya miqyasida milyonlighan kishilerning sayahet muessiseliri heqqidiki pikirliri tetqiq qilinidighan we hembehirlinidighan bir xelqaraliq tor békettiki bélet tashlashta, 2021-yildiki eng alqishqa érishken déngiz sahillirigha alahide orun bérildi. yawropaning eng yaxshi déngiz sahili tizimlikide türkiyedin antalyaning alanya rayonidiki kléopatra déngiz sahili orun aldi.

«‹xewer türk› géziti», «türkiye , rosiyelik sayahetchilerning 2021-yilida eng köp ziyaret qilishni arzu qilidighan döletliri qataridin orun aldi» serlewhilik xewiride, munu uchurlargha orun ajratti:

rosiyening «Yandex.Travel» shirkiti rusiyede texminen 10 ming adem bilen élip barghan tekshürüshte ,%68 puqra bashqa döletlerni cheklimisiz ziyaret qilish pursitining ularning tetil pilanigha tesir körsitidighanliqini otturigha qoydi. ray sinashqa qatnashqanlar türkiyeni bu yil eng köp ziyaret qilishni arzu qilidighan döletliri qatarida körsetti.