28.01.2021

«‹вәтән› гезити», «җумһур рәис әрдоған елон муск билән көрүшти» сәрләвһилик хәвиридә, муну учурларға орун аҗратти:

җумһур рәис рәҗәп таййип әрдоған «Tesla» вә «SpaceX» ниң қурғучиси елон муск билән телефонда көрүшти. сөһбәттә түркийәдики аммиви вә хусусий игиликтики органлар билән ширкәтләр оттурисида аләм техникиси қатарлиқ охшимиған саһәләрдә һәмкарлиқ орнитишқа мунасивәтлик мәсилиләр музакирә қилинди.

«‹һөррийәт› гезити»,  «дунйа сәһийә тәшкилатидин түркийәгә мәдһийә» сәрләвһилик хәвиридә, муну учурларға орун аҗратти:

дунйа сәһийә тәшкилатиниң түркийә алаһидә вәкили доктор батир бердикличев түркийәдики ваксина әмләш хизмәтлирини мәдһийәләп: «наһайити қисқа вақит ичидә, 1 милйондин артуқ кишигә ваксина әмләнди. түркийәниң дөләтлик ваксина әмләш программиси вә иқтидари интайин күчлүк вә үнүмлүк йолға қойулмақта» деди.

«‹стар› гезити», «түрк алимниң зор мувәппәқийити» сәрләвһилик хәвиридә, муну учурларға орун аҗратти:

авистирийәдики бийо техника ширкитиниң қурғучиси вә алий дериктори, әсли түркийәлик алим профессор доктор камил өндәр әнглийәдә оттуриға чиққан тез тарқилишчан ковид-19 ниң йеңи түрини тез байқайдиған «PCR» синақ ускинисини йасап чиқти. камил өндәр: «(синақ) 60 минуттин 90 минутқичә нәтиҗигә еришиду. пүткүл җәрйан тәртипкә селишқа еһтийаҗсиз һалда давамлишиду. у интайин әрзан һәм наһайити тез, буму чоң бир әвзәллик» деди.  

«‹сабаһ› гезити», «түркийәни җәлп қилиш мәркизигә айландуриған рәқәмләр елан қилинди» сәрләвһилик хәвиридә, муну учурларға орун аҗратти:

хәлқара пул фонди тәшкилати «IMF» ниң мөлчәрлиригә асасланғанда, түркийә йуқум башланғандин буйанқиға охшаш бу йилму иқтисадий зорийишни давамлаштуридикән. күчлүк тәдбирләрни ишқа селип,  йуқумға қаримастин давамлиқ ешишини қолға кәлтүргән түркийәгә хәлқара пул фонди тәшкилати «IMF» дин роһий кәйпийатини йуқири ктүридиған мөлчәр йетип кәлди. хәлқара пул фонди тәшкилати «IMF» ниң мөлчәрлиишичә, түркийә бу йил %6 ешишни қолға кәлтүридикән вә бу иш түркийәни җәлп қилиш мәркизигә айландуридикән.

«‹йеңи шәпәқ› гезити», «дунйа чолпини имза қойди» сәрләвһилик хәвиридә, муну учурларға орун аҗратти:

арсеналдин фәнәрбаһчә командисиға һәқсиз қошулған дунйаға даңлиқ путбол чолпини мәсут өзилниң имза қойуш мурасими өткүзүлди. мурасимда сериқ-көк рәңлик форма кийидиғанлиқидин интайин хушал болғанлиқини ейтқан мәсут өзил: «бу фәнәрбаһчә үчүн бу бир чүш иди, мән үчүнму бу бир хийал иди. һәр икки тәрәп үчүн йахши бир  бағлиниш болғуси» деди.