2020-yili tarixtiki «eng issiq yil» boldi

türkiye awazi radiyosi xewiri:  yawropa ittipaqi kilimat özgirishini közitish orginining melumatlirigha qarighanda,  2020-yili, yéqinqi 150 yil ichidiki eng issiq ikki yilning biri bolghan.

1850-yildin buyanqi ölcheshler, 2020-yilining, «eng issiq ikki yildin biri» ikenlikini aydinglashturup bergen.

yil boyi otturigha chiqqan issiqliq  hawa dolqunliri, boran – chapqunlar, orman ot apetliri we shuninggha oxshighan tebiiy hadisilermu, hawaning adettin tashqiri derijide issip kétishidin kélip chiqqan.

bu melumatlarni bergen yawropa ittipaqi kilimat özgirishini közitish orgini,  hawaning bundaq issip kétishining chong palaketlerge yol achidighanliqi toghruluq agahlandurush berdi.

organning tekitlishiche, 2020-yili, dunya yene, «eng issiq yil» dep atalghan 2019-yildikige qarighanda yérim sélsiye gradus yuqiri issighan.

alaqidar tarmaqlarning bildürüshiche, 2030-yiligha barghanda, dunyaning issish süritining 1 yérim sélsiye gradusqa yétish éhtimalliqi bar iken.