қурбан һейт тәнтәнилик һалда тәбрикләнмәктә
қурбан һейт түркийә вә дунйаниң һәрқайси җайлирида тәнтәнилик һалда тәбрикләнмәктә.
түркийә авази радийоси хәвири: түркийәниң һәрқайси җайлирида кәң хәлқ аммиси таң сәһәрдә җамәләргә сәлдәк ақти, һейт намизидин кейин җамаәт бир – бириниң һейтини тәбрикләшти, андин өйлиригә берип, қурбанлиқ қилди.
уда 4 күн давамлишидиған қурбан һейт бойичә, уруқ – туғқан вә йеқин – йоруқлар зийарәт қилиниду.
дунйаниң һәрқайси җайлиридиму мусулманлар қурбан һейтни тәнтәнилик һалда тәбриклимәктә.
қурбан һейт һайаҗини таң сәһәрдә оқулған һйет намизи билән тәң башланди.
авистирийалийәдә җамәләр һейт намизи оқуш вә қурбанлиқ гөшлирини ортақлишиш үчүн кәлгән мусулманлар билән толуп ташти. мусулманлар һейт намизидин кейин бир – бириниң һейтини тәбрикләшти.
филиппиндики баңсаморо аптоном районида йашаватқан моро мусулманлириму һейт намизини оқуди. мусулманлар көп санлиқни тәшкил қилидиған минданав арилидаибадәт қилишқа болидиған җайларда әр – айал, чоң – кичик мусулманлар һейт намизини оқуди. түркийәдин районға кәткән аммиви тәшкилатларниң пидаийлириму қурбан һейтни тәбрикләп тәнтәнә қилишти.
хитай, қирғизистан, өзбекистан вә көплигән дөләтләрдиму мусулманлар таң сәһәрдә җамәләргә сәлдәк ақти, һейт намизидин кейин җамаәт бир – бириниң һейтини тәбрикләшти.
