түркмәнистан иран арқилиқ ираққа тәбиий газ експорт қилишни пиланлимақта

түркийә авази радийоси хәвири: түркмәнистан «‹алтун әсир› телевизийә қанили» ниң хәвәр қилишичә, түркмәнистан дөләтлик түркмәнгази гуруһи ширкитиниң директори бабайев в униң һәмраһлиқидики вәкилләр өмики ирақниң пайтәхти бағдатта ирақ ток ишлири министири зийад әли фазил билән көрүшкән.

учришишта, икки дөләт оттурисидики енергийә һәмкарлиқи мәсилиси музакирә қилинған. музакирә нәтиҗисидә, түркмәнистан дөләтлик түркмәнгази ширкити билән ирақ ток министирлиқи оттурисида тәбиий газ һәмкарлиқ келишим лайиһәси имзаланған.

игилинишичә, келишим даирисидә, икки тәрәплик пул алмаштуруш келишимигә асасән, түркмәнистанниң иран арқилиқ ираққа һәр йили тәхминән 10 милйард куб метир тәбиий газ експорт қилиши, түркмәнистанниң тәбиий газини ираққа йәткүзүш вәзиписини иранниң дөләтлик тәбиий газ ширкитиниң өз үстигә елиши пиланланмақта икән.