تۈركىيەنىڭ يېزا ئېگىلىكى ئېكسپورتى رېكورت ياراتماقتا

تۈركىيە ئاۋازى راديوسى خەۋىرى: تۈركىيە ئېكسپورتچىلار مەجلىسى (TIM) دانلىق زىرائەت، ياغلىق ئۇرۇق ۋە مەھسۇلاتلىرى كېڭىشىنىڭ باياناتىغا ئاساسلانغاندا، يىلنىڭ ئالدىنقى 7 ئېيىنىڭ ئاخىرىدا، بۇ ساھەنىڭ ئېكسپورتى ئالدىنقى يىلنىڭ ئوخشاش مەزگىلىگە سېلىشتۇرغاندا %10.6 ئېشىپ، 6 مىليارد 900 مىليون دوللارغا يەتكەن.

ئىيۇندا 781 مىليون دوللارلىق ئېكسپورتنى ئىشقا ئاشۇرغان دانلىق زىرائەت ياغلىق ئۇرۇق ۋە مەھسۇلاتلاىرى ئېكىسپورتى ئىيۇل ئېيىدا 1 مىليارد 400 مىليون دوللارلىق ئېكسپورت بىلەن رېكورت ياراتقان.

ئالدىنقى 7 ئايدا ئەڭ كۆپ ئېكسپورت ئىراق ۋە ئامېرىكاغا قىلىنغان بولۇپ، ئېكسپورت نىسبىتى  10 ھەسسە ئاشقان ئىتالىيە 3 - ئورۇندا تۇرغان.

بۇ ساھەنىڭ يەنە بىر مۇھىم بازىرى بولغان سەئۇدى ئەرەبىستانغا بۇ مەزگىلدە 124 مىليون دوللاردىن ئارتۇق ئېكسپورت ئىشقا ئاشۇرۇلغان.