تۈركىيە كۇۋەيت بىلەن قوراللىق ئۇچقۇچىسىز ھاۋا ئاپپاراتى ئېكسپورتى توختامى تۈزدى
كۇۋەيت بىلەن بايقار شىركىتى ئوتتۇرىسىدىكى تۈركىيە قوراللىق ئۇچقۇچىسىز ھاۋا ئاپپاراتى — نى كۇۋەيتكە ئېكسپورت قىلىش توختامى تۈزۈلدى.
تۈركىيە ئاۋازى رادىيوسى خەۋىرى: بايقار شىركىتى ئىجتىمائىي تاراتقۇدىكى ئادرېسىدا بايانات ئېلان قىلىپ: «كۇۋەيت دۆلىتى بىلەن داۋاملاشتۇرۇۋاتقان مىللىي قوراللىق ئۇچقۇچىسىز ھاۋا ئاپپاراتىمىز — <بايراقتار ت ب 2> نىڭ ئېكسپورتىغا مۇناسىۋەتلىك توختام تۈزۈش مۇساپىسىنى مۇۋەپپەقىيەتلىك تاماملىدۇق. ئامېرىكا، ياۋروپا ۋە خىتاي شىركەتلىرىنىمۇ ئۆز ئىچىگە ئالغان رىقابەت مۇساپىسىنىڭ غەلىبە قىلغۇچىسى — مىللىي قوراللىق ئۇچقۇچىسىز ھاۋا ئاپپاراتىمىز — <بايراقتار ت ب 2>، 2019 – يىلى چۆل شارائىتىدا 27 سائەت 3 مىنۇت ئۇدا ئۇچۇش ئارقىلىق ئەڭ ئۇزۇن بوشلۇقتا تۇرۇش رېكورتىنى بۇزۇپ تاشلىغان كۇۋەيت ئاسمىنىدا ۋەزىپە ئۆتەيدۇ» دېدى.
يەنە بىر تەرەپتىن، كۇۋەيت دۆلەتلىك ئۇچۇر - ئالاقە ئىشلىرى ئىشخانىسىمۇ ئىجتىمائىي تاراتقۇدىكى ئادرېسىدا بايانات بېرىپ، كېلىشىم قىممىتىنىڭ 367 مىليون دوللار ئىكەنلىكىنى ئۇقتۇردى.
مۇناسىۋەتلىك خەۋەرلەر
گوللاندىيەنىڭ ساياھەت پاراخوتى ئالانياغا كەلدى
گوللاندىيەنىڭ «ئوستېردام» ناملىق ساياھەت پاراخوتى ئانتاليا ۋىلايىتىنىڭ ئالانيا ناھىيەسىگە كەلدى.