русийәликләр билән украиналиқларниң түркийәдин өй сетивелиш нисбити ашти

түркийә авази радийоси хәвири: йанвар ейидин нойабирғичә (2022) болған мәзгилдә түркийәдә чәт әлликләргә сетилған өй сани, өткән йилниң (2022) охшаш мәзгилигә селиштурулғанда 10 миң 389 йүрүш ешип 61 миң 741 гә йәткән. буниңда русийә билән украина пуқралириниң түркийәдин сетивалған өй сани бу мәзгилдә 10 миң 608 йүрүш көпәйгән.

24-феврал (2022) украина-русийә урушиниң башлиниши билән, икки дөләт пуқралириниң түркийәдин сетивалған өй саниниң тез сүрәттә ешиши диққәт қозғиди.

русийәликләр уруш башланған февралда түркийәдин 509 йүрүш өй сетивалған. урушниң давамлишишиға әгишип өй сетиш сүритиму ашқан болуп, ийун ейиға кәлгәндә 1887 йүрүшкә чиққан. кейинки айларда өй сетиш сүритидә астилаш көрүлгән болсиму, әмма йил ахириниң йеқинлишиши билән қайтидин тезләшкән вә нойабирда 2 миң 575 кә йәткән.

охшаш мәзгилдә, украина пуқралири сетивалған өй санидиму ешиш көрүлгән. февралда украиналиқлар түркийәдин 111 йүрүш өй сетивалған. ийун ейида болса, әң йуқири сан болған 301 йүрүшкә йәткән. кейинки айларда долқунсиман давамлашқан болуп, нойабирда 277 гә өрлигән.