йавропа енергийә министирлири ток вә тәбиий газ баһасини музакирә қилиду

түркийә авази радийоси хәвири:йавропа иттипақиниң нөвәтчи рәис дөлити чехийәниң чақириқиға бнаән белгийә пайтәхти бирйусселда өткүзүлидиған йиғинда, ток баһасини төвәнлитиш үчүн, ток ишлитиш йуқири пәллигә чиқидиған вақитта ток еһтийаҗини азайтиш тәдбирлири, ток ишләпчиқириштин һәддидин зийадә көп пайда алидиған ширкәтләрдин баҗ елиш вә йеқилғу саһәсидики ширкәтләрниң артуқ пайдисидин һәмкарлиқ пейи елиш тәклиплири қарап чиқилиду.

йавропа иттипақи комитети тәййарлиған тәклипләр, әза дөләтләрниң ток ишлитиш омумий миқдарини өз ихтийарлиқи билән%10 төвәнлитишни, ток ишлитиш йуқири пәллигә чиқидиған вақитта ток сәрпийатини мәҗбурий %5 төвәнлитишни, қайта һасил болидиған, йадро вә көмүр мәнбәсидин ток ишләпчиқарғучиларниң кириминиң һәр бир мегават саитигә 180 йавролуқ чәк бекитишни вә йеқилғу саһәсидин «һәмкарлиқ пейи» намида баҗ йиғишни өз ичигә алиду.

бу тәдбирләр арқилиқ йавропа иттипақи дөләтлириниң җәмий 140 милйард йавро иқтисад топлап, пуқралар вә карханиларға йардәм беридиғанлиқи көздә тутулди.

мәзкур тәклипләрниң әза дөләтләр тәрипидин қобул қилинишидин үмид бар.енергийә министирлири буниңдин кейин йуқири газ баһасини төвәнлитиш үчүн пайдилинишқа болидиған техиму көп сийасәтләр тоғрисида өзара пикир алмаштуриду.