türkiye bu yilning deslepki 6 éyida qoshna döletlerge mal éksport qilishta rékort yaratti
türkiyening bu yil 1-aydin 6-ayghiche bolghan ariliqta bulghariye, gruziye, iraq, iran, süriye we grétsiye qatarliq qoshna döletlirige qilghan éksporti aldinqi yilining oxshash mezgilige sélishturghanda 25.4% éship, 11 milyard 400 milyon dollargha yetti.
türkiye awazi radiyosi xewiri: türkiye soda ministirliqi we türkiye éksportchilar mejlisining sanliq melumatlirigha asaslanghanda, yilning aldinqi 6 aydiki éksport nisbiti aldinqi yilining oxshash mezgilige sélishturghanda %20 éship 126 milyard dollargha yetken we tükiyening qoshniliri bilen tashqi sodisi alahide yuqiri kötürülgen.
türkiye 1-aydin 6-ayghiche bolghan mezgilde bulghariye, gruziye, iraq, iran, süriye we grétsiyege 11 milyard 448 milyon 927 ming dollarliq mal éksport qilghan.
bu somma miqdari aldinqi yilining oxshash mezgilide 9 milyard 131 milyon 940 ming dollar bolghan idi.
shundaq qilip mezkur döletlerge qilinghan éksport nisbiti yilning deslepki 6 éyida, aldinqi yildikige sélishturghanda%25.4 ashqan.
bu mezgilde eng yuqiri éksport 4 milyard 837 milyon 698 ming dollar bilen iraqqa qilinghan.
iraqtin qalsila bulghariye 2 milyard 265 milyon 144 ming dollar bilen ikkinchi, grétsiye 1 milyard 558 milyon 737 ming dollar bilen üchinchi, iran 1 milyard 159 milyon 680 ming dollar bilen tötinchi, gruziye 897 milyon 740 ming dollar bilen beshinchi, suriye 729 milyon 928 ming dollar bilen altinchi bolghan.
bu mezgilde her qaysi döletlerge qiliniwatqan éksportning yilséri éshiwatqanliqi körilgen.
eng köp éshishta %39.1 bilen bulghariye birinchi, % 37.6 bilen gruziye ikkinchi we 24.1% bilen iraq üchinchi bolghan.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
