seudi erebistanliq sayahetchiler olturghan ayropilan trabzongha yétip keldi

aridin üch yil ötkendin kéyin tunji qétim seudi erebistandin qozghalghan bir ayropilan 172 kishilik sayahet ümikini élip türkiyening eng muhim sayahet merkezlirining biri bolghan trabzongha yétip keldi.

1851033
seudi erebistanliq sayahetchiler olturghan ayropilan trabzongha yétip keldi

türkiye awazi radiyosi xewiri: sayahetchiler trabzon ayrodromida gül - chéchekler bilen qarshi élindi؛ trabzon wilayetlik medeniyet we sayahet ishliri muawin dériktori mustafa asan we türkiye sayahet shirketliri jemiyiti sherqiy qara déngiz rayoni reisi wolqan kantarji yoluchilarni qizghin qarshi aldi, uchquchilar we ayropilan xadimlirigha gül teqdim qildi.

andin sayahet ümiki mulazimet aptomobillirigha olturup méhmanxanilargha orunlashti.

kantarji, sherqiy qara déngiz rayonining ottura sherq döletlirining sayahet sahesi üchün intayin muhimliqini tekitlep, yéngi sayahet peslide seudi erebistandin trabzongha tunji sayahetchiler ayropilanining kelgenlikidin söyüngenlikini bildürdi.

wolqan kantarji yéqinqi yillarda trabzon we sherqiy qara déngiz rayonining sayahet yoshurun küchining zor derijide ashqanliqini tilgha élip, biwasite ayropilan qatnishining kelgüsi bir nechche hepte ichidimu dawamlishidighanliqini sözlirige ilawe qildi.



مۇناسىۋەتلىك خەۋەرلەر