африқа иттипақи хитайда вакаләтхана ачиду
африқа иттипақи хитай билән сийасий вә иқтисадий мунасивәтләрни тәрәққий қилдуруш мәқситидә, хитай пайтәхти бейҗиңда «даимий вакаләтхана» ечишни қарар қилди.
түркийә авази радийоси хәвири: африқа иттипақи бейҗиңда «даимий вакаләтхана» ечишни қарар қилди.
йәрлик таратқулардики хәвәрләрдә билдүрүлишичә, ефийопийә пайтәхти әддис әбибәдә өткүзүләән африқа иттипақи йуқири дәриҗилик рәһбәрләр йиғинида, хитай билән мунасивәтләрни тәрәққий қилдурушқа мунасивәтлик қәдәм ташланған.
африқа иттипақи ташқи ишлар министирлиридин тәшкилләнгән министирлар кеңишидә сунулған тәклип рамкисида, мушу йил (2022) ичидә хитай пайтәхти бейҗиңда узун муддәтлик бир ишхана ечиш қарар қилинған.
хитайда ечилидиған ишханиниң африқа иттипақидики ислаһат даирисидә ечилидиған ишханилардин бири болидиғанлиқи қәйт қилинди.
бейҗиңда ечилидиған даимий вакаләтханида бир нәпәр даимий вәкилдин башқа, әң аз дегәндә охшимиған саһәләрдә мутәхәссисләшкән 10 кишиниң хизмәт қилидиғанлиқи билдүрүлди.
ишханиниң қачан ечилидиғанлиқи тоғрисида мәлумат берилмиди. африқа билән сийасий вә сода мунасивәтлирини тәрәққий қилдуруш үчүн африқа дөләтлири билән йуқири дәриҗилик йиғинлирини уйуштуруватқан хитай, африқаниң әң чоң иқтисадий шериклиридин бири дәп қаралмақта.
