bu yil türkiyening piste ékisportida italiye, gérmaniye we xitay aldinqi orungha ötti
2021-yili türkiyening piste ékisporti aldinqi yiligha sélishturghanda %76 éship, 209 milyon 686 ming dollargha yetti.
türkiye awazi radiyosi xewiri: sherqiy jenubiy anadolu éksportchilar jemiyiti (GAİB) ning sanliq melumatlirigha asaslanghanda, 2020-yili 118 milyon 923 ming dollarliq piste ékisporti qilinghan. 2021-yili bolsa, éksport nisbiti aldinqi yildikige séliturghanda, %76 éship, 209 milyon 686 ming dollargha yetken.
ötken yili italiye, gérmaniye, xitay, kanada, portugaliye, malayshiya, malta, teywen, marakesh, yaponiye, moldowa, engiliye, kuba we rusiye qatarliq 110 döletke 20 ming 322 tonna piste ékisport qilinghan.
italiye türkiye eng köp piste éksport qilidighan döletlerning aldinqi qatarida turidu.
türkiye ötken yili italiyege 50 milyon 74 ming dollarliq piste éksport qilghan.
türkiye eng köp piste éksport qilghan döletler arisida italiyedin qalsila 33 milyon 627 ming dollar bilen gérmaniye ikkinchi, 12 milyon 839 ming dollar bilen xitay üchinchi bolghan.
