istanbul ayrodurumlirining yoluchilar sanida éshish körüldi
yawropada ötken yili ayropilan bilen seper qilghanlarning %7 ni kütüwalghan istanbul, 2020-yilgha sélishturulghanda yoluchilar sanini 22 milyon kishi köpeytti.
türkiye awazi radiyosi xewiri: yawropa ayropilan seperliri bixeterlik teshkilati (EUROCONTROL) ning melumatlirida körsitilishiche, ötken yili (2021) qite miqyasida dölet ichi we xelqaraliq seperlerde texminen 900 milyon yoluchi ayropilanda seper qilghan.
yawropada 2021-yili ayropilan bilen seper qilghan yoluchilarning texminen %7 i istanbulni merkez qilghan bolup, mezkur rayonda 2020-yilgha sélishturulghanda bu nisbet %5 bolghan.
2021-yili istanbuldiki barliq ayrodurumlar, dölet ichi seperliride 26 milyon 713 ming, xelqaraliq seperlerde 35 milyon 432 ming 79, jemiy 62 milyon 145 ming 270 yoluchini kütüwalghan.
istanbulda 2019-yili ayropilanda 40 milyon 361 ming 570 yoluchi qosh yölinishlik seper qilghan. 2021-yili 2020-yilgha sélishturulghanda 21 milyon 783 ming 700 yoluchi köpiyip, %54 lik örlesh körülgen.
