дунйада әң бай кишиләрниң мал-мүлки икки һәссә көпәйди

вухән вируси (Kovid-19) мәзгилидә дунйадики әң бай кишиләрниң мал-мүлки икки һәссә көпәйди.

1763667
дунйада әң бай кишиләрниң мал-мүлки икки һәссә көпәйди

түркийә авази радийоси хәвири: хәлқара йардәм тәшкилати оксфам (Oxfam) елан қилған доклатта қәйт қилинишичә, дунйадики әң бай 10 киши игә болған мал-мүлүкниң, ваба мәзгилидә икки һәссә көпәйгән.

б б с ниң хәвиридә билдүрүлишичә, оксфамниң «баравәрсизлик өлтүриду» намлиқ доклати, кәмбәғәлләрниң санида ешиш болғанлиқини көрсәткән.

оксфамниң әнглийәдики башлиқи данний срискандараҗаһ (Danny Sriskandarajah) вухән вируси мәзгилдә иҗра қилинған тәдбирләр билән сайаһәт вә содиға қойулған чәклимиләрдин кейин, 163 милйон кишиниң йоқсуллуқ чеки астида йашашқа башлиғанлиқини ейтти.

доклатта, дунйадики әң бай 10 киши, елон маск (Elon Musk), җеф безос (Jeff Bezos), бернард арналт (Bernard Arnault), бил гейтс (Bill Gates), лори елисон (Larry Ellison), лори пейҗ (Larry Page), сергей брин (Sergey Brin), марк зукерберг (Mark Zuckerberg), стев балмер (Steve Ballmer) вә ворен буфет (WarrenBuffet) қатарлиқ кишиләрниң җәмий мал-мүлки икки һәссә ешип 1.5 тирилийон доллардин ашқан.

сәһийә хизмәтлириниң чәклик һалға келиши нәтиҗисидә, килимат өзгириши сәвәб болған инсаний киризислар вә зораванлиқлар сәвәбидин, дунйада һәр төт секунтта бир киши җенидин айрилған.

доклатта, аз тәрәққий қилған дөләтләрдики кәмбәғәл кишиләрниң вухән вируси сәвәбидин өлүш еһтимали төт һәссә икәнлики әскәртилди.

доклатта йәнә, 2019-йилиға селиштурулғанда, бу мәзгилдә хизмәт қилидиған айаллар саниниң 13 милйон киши азайғанлиқи вә 20 милйондин артуқ кичик қиз балиниң мәктәпкә әвәтилмәслик хәтиригә дуч кәлгәнлики қәйт қилинди.



مۇناسىۋەتلىك خەۋەرلەر