göbeklitepe 2021-yili eng köp sayahetchi kütüwalghan
shanliurfada 12 ming yilliq ötmüshi bilen «tarixning nöl nuqtisi» dep baha bérilgen we b d t maarip, ilim-pen we medeniyet teshkilati-yunésko (UNESCO) ning dunya mirasi tizimlikige kirgüzülgen göbeklitepe, 2021-yili 567 ming 453 ziyaretchini kütüwaldi.
1762772
türkiye awazi radiyosi xewiri: göbeklitepe sayahetke échiwétilgen 2018-yildin tartip yerlik we chet el sayahetchilirige sahibxanliq qilmaqta.
jumhur reis rejep tayyip erdoghan qoghdash xizmetliri axirlashqandin kéyin, 2019-yilini «göbeklitepe yili» dep élan qilghan idi. shuningdin tartip sayahetchiler dolquni körülüshke bashlidi.
göbeklitepe 2019-yili 412 ming 378 sayahetchini kütüwaldi. 2020-yili wuxen wirusi(Kovid-19) üch ay taqaldi. sayahetchiler sani 197 ming 912 ge chüshti. 2021-yilning deslepki besh éyidimu göbeklitepe taqaldi. shundaq bolsimu, qalghan yette ayda 567 ming 453 sayahetchi tarixiy makanni ziyaret qildi we bu reqem sayahetke échiwétilgendin buyanqi eng yuqiri sayahetchi sani bolup qaldi.
