115 дөләткә гүлә експорт қилинди

түркийә авази радийоси хәвири: малатйа сода аксийә базириниң башлиқи рамазан өзҗан: «декабир (2021) ейида 8 миң 924 тонна гүлә експорт қилдуқ. буниңдин 42 милйон 741 миң доллар кирим қилдуқ. буни 2020-йили декабир ейиға селиштурулғанда, һәм експорт һәмдә киримда муһим ешишларниң болғалиқини көрүвалғили болиду» деди.

у өткән йили (2021) експортта муһим ешишларни қолға кәлтүргәнликлирини әскәртип, сөзини мундақ давамлаштурди:

«2021-йили 90 миң 203 тонна гүлә експорт қилдуқ вә 347 милйон 905 миң доллар кирим қилдуқ. буниң билән, йеқинқи бәш йилниң рекортини йараттуқ.»

у йирақ шәрқ базарлириға қилиниватқан експортниму ашурғанлиқлирини билдүрүп: «хитайға йеқинқи бәш айда 2 миң 542 тонна гүлә експорт қилдуқ вә буниңдин 6 милйон 867 миң доллар кирим қилдуқ» деди.

у һәр йили 110 дин 115 кичә болған дөләткә гүлә експорт қиливатқанлиқлирини әскәртип, өткән йили авғуст ейидин декабир ейиғичә америкаға 5 миң 940 тонна гүлә експорт қилинғанлиқини, американиң гүлә експорт қилинған дөләтләрниң ичидә биринчи орунда туридиғанлиқини؛ фирансийәгә 3 миң 871 тонна гүлә експорт қилинғанлиқини вә бу санниң иккинчи орунда туридиғанлиқини, германийәгә 3 миң 210 тонна гүлә експорт қилинғанлиқини вә буниң үчинчи орунда туридиғанлиқини қәйт қилди.

у йеқинқи бәш йилда 467 миң 862 тонна гүлә експорт қилинип, дөләт иқтисадиға 1 милйард 384 милйон доллар кирим қилинғанлиқини әскәртип, малатйа гүләсиниң дөләт иқтисади үчүн муһим оруда туридиғанлиқини билдүрди.