«2-türkeli» quduqidiki sinaqlar muweppeqiyetlik axirlashti
qara déngizda qézilghan «2-türkeli» quduqining siniqida, tebiiy gaz miqdari künlüki 650 ming kub métirgha yetti.
türkiye awazi radiyosi xewiri: énérgiye we tebiiy bayliqlar ministiri fatih dönmez twittér adrésida bayanat élan qilip, 28-iyulda «2-türkeli» quduqida qilinghan sinaqlarning muweppeqiyetlik axirlashqanliqini bildürdi.
u qara déngizdiki tebiiy gaz meshghulatigha munasiwetlik 21 sékuntluq bir widéoni hembehirlep, mundaq dédi:
«2021-yili 28-iyul <2-türkeli> quduqida qilinghan sinaqlar muweppeqiyetlik halda axirlashti. 2021-yili 20-noyabirdin bashlap tebiiy gaz künlük miqdari 650 ming kub métirgha yetken halda dawamlashmaqta. qara déngiz gazliqida 2023-yilliq nishanimiz nahayiti éniq we roshen. qedemmu qedem ilgirilewatimiz» dédi.
u antalyada ötküzülgen 11-qétimliq türkiye énérgiye yighinining échilishida qilghan sözide, sakarya tebiiy gaz meshghulat rayonigha munasiwetlik barliq inzhénérliq xizmetlirini axirlashturghanliqlirini eskertti.
u: «aliy süpetlik turubalarni zakas qilduq. 2022-yilning bahar aylirida turubalarni déngiz astigha yatquzimiz» dédi.
u tötinchi burghilash paraxotining 2022-yilning bahar aylirida türkiyege yétip kélidighanliqini bildürüp, mundaq dédi:
«tötinchi paraxotimizning ikki munari bar, déngizdiki nahayiti qiyin sharaitlarda meshghulat qilalaydighan iqtidargha ige. yuqiri bésimliq gaz chiqirishta bixeter meshghulat qilalaydu.»
