erdoghan: türkiyege meblegh salghan herqandaq kishi pushayman qilmaydu

türkiye awazi radiyosi xewiri: jumhur reis erdoghan adana we jeyhan nahiyeside ul qoyush we qurulushi tamamlanghan türlerni kolliktip xizmetke kirishtürüsh murasimida nutuq sözlidi.

türkiyege ishinip meblegh salghan her qandaq kishining pushayman qilmaydighanliqini tekitligen erdoghan: «eksiche, u érishken zor paydidin dawamliq memnun bolidu. men élimiz we dunyadiki barliq meblegh salghuchilarni türkiye ulargha sunghan bu imkaniyet we pursettin paydilinishqa teklip qilimen» dégenlerni qeyt qildi.

erdoghan éksportning her ayda rékort buzup éshiwatqanliqini eskertip, yéshil tereqqiyat inqilabi bilen sanaettin éksportqiche bolghan her sahede türkiyeni yéngi bir baldaqqa kötürgenliklirini sözlirige ilawe qildi.