иқтисадий ишәнч көрсәткүчи 41 айдин буйанқи әң йүксәк сәвийәгә йәтти

түркийә авази радийоси хәвири: түркийә истатистика оргининиң, түркийәниң сентәбир ейиға мунасивәтлик иқтисадий ишәнч көрсәткүчи доклатиға қариғанда, иқтисадий ишәнч көрсәткүчи авғуст ейида 100.8 болуп, сентәбир ейида % 1.6 ешип, 102.4 қиммитигә йәткән. шуниң билән, 41 айдин буйанқи әң йүксәк сәвийәгә йәткән.

түркийәниң иқтисадий ишәнч көрсәткүчи, 2018 – йили, апрел ейида 103 қиммитидә иди.

иқтисадий ишәнч көрсәткүчиниң ешишида, истемал, әмәлий саһә (йасимичилиқ кәспи), мулазимәт вә парчә сетиш сода саһәсиниң ишәнч көрсәткүчлириниң ешиши муһим рол ойниған.