türkiye aptomobil sanaiti awghusttiki éksport sodisida rékort yaratti
türkiye aptomobil sanaiti chetelning yoluchilar aptomobiligha bolghan éhtiyajining éshishi bilen 8-ayda tarixtiki eng yuqiri éksport rékortini yaratti.
türkiye awazi radiyosi xewiri: türkiye éksportida 15 yildin buyan aldinqi qatarda turup kéliwatqan aptomobil sanaiti 8-ayda 2 milyard 400 milyon dollarliq aptomobil éksport qildi.
aptomobil sanaiti 8-ayda aldinqi yilining oxshash mezgilige sélishturghanda chetellerge sétish nisbitini %57 ashurup, éksporttin %12.8 ülüshni hasil qildi.
türkiye aptomobil sanaiti 8-ayda eng köp aptomobil éksport qilinghan dölet %23 lik éshish bilen gérmaniye boldi we 311 milyon 200 ming dollarliq aptomobil éksport qildi.
uningdin qalsa engiliyege %211 lik éshish bilen 297 milyon 400 ming dollarliq aptomobil éksport qildi.
bu döletlerning arqidin fransiyege %76 lik éshish bilen 260 milyon dollar liq, slowéniyege %174 lik éshish bilen 185 milyon 600 ming dollarliq we italiyege %53 lik éshish bilen 179 milyon dollarliq aptomobil éksport qildi.