efesning ziyaretchiliri %91 ashti

türkiye awazi radiyosi xewiri: dunyada aldinqi qatarda turidighan qedimki sheherlerning ichidin orun alghan we b d t maarip, ilim-pen we medeniyet teshkilati-yunésko (UNESCO) ning dunya medeniyet miras tizimlikige kirgüzülgen efes qedimki shehirining wuxen wirusi (Kovid-19) sewebidin 2020-yili iyulda 178 minggha chüshken ziyaretchiliri sani, bu yil (2021) 340 mingdin ashti.

medeniyet we sayahet ministirliqining sanliq melumatlirida körsitilishiche, jélsus kutupxanisi, qedimki tiyatir we körkem ibadetxaniliri bilen dunyaning her qaysi jayliridin kelgenlerni kütüwalghan efes qedimki shehirining 2021-yili 1-yanwardin 31-iyulghiche bolghan mezgildiki ziyaretchiliri sani ötken yilning oxshash mezgilidikige sélishturulghanda %91 ashqan.

amérika we yawropa ittipaqi döletliridin kelgenlerning 8 ming 702 si yanwarda, 11 ming 748 si féwralda, 21 ming 183 i mart éyida, 21 ming 645 i aprélda, 24 ming 738 i may éyida, 79 ming 295 i iyun éyida we 173 ming 305 i iyul éyida efeske kelgen.

yuqum tedbirliri boyiche, birla waqitta 2 ming 400 kishining ziyaret qilishigha ruxset qilinghan qedimki sheherning 2020-yili iyul éyining axirighiche 178 ming 120 bolghan ziyaretchi sani, bu yil oxshash mezgilde 340 ming 616 ge chiqqan.

efes qedimki shehirini 2019-yili yuqumdin ilgiri 1 milyon 810 ming kishi ziyaret qilghan bolup, ziyaretchiler eng köp aylar bolghan iyul we awghustta ziyaretchi sani 200 ming etrapida bolghan idi.