iqtisadiy ishench körsetküchi iyun éyida % 5.6 éship 97.8 ge yetti.

türkiye awazi radiyosi xewiri: türkiye istatistika orgini teripidin élan qilinghan iyun éyigha munasiwetlik iqtisadiy ishench körsetküchi doklatigha asaslanghanda, türkiyening iqtisadiy ishench körsetküchi may éyida % 92.6 bolup, iyun éyida % 5.6 éship 97.8 ge yetken. iqtisadiy ishench körsetküchidiki éshish, istémalchilar, emeliy sahe (yasimichiliq kespi), xizmet, parche sétish sodisi we qurulush sahesining ishench körsetküchlirining éshishidin bolghan.

istémalchilar ishench körsetküchi may éyida aldinqi ayning oxshash mezgildikige sélishturghanda % 5.8 éship, % 81.7 ge, emeliy sahe ishench körsetküchi % 2.5 éship, % 109.8 ge, xizmet sahesi ishench körsetküchi % 6.2 éshish bilen % 108.5 ke, parche sétish sodisi ishench körsetküchi % 4.8 éship, % 105.7 ge, qurulush sahesi ishench körsetküchi % 3.6 éship, % 82.4 ke yetken.