firansiye yawropa ittipaqidin qerz alidu
firansiye iqtisadni eslige keltürüsh pilani dairiside yawropa ittipaqidin 39 milyard 400 milyon yawro qerz alidu.
türkiye awazi radiyosi xewiri: firansiyening iqtisadni eslige keltürüsh pilani yawropa ittipaqi komitétining testiqidin ötti.
firansiye pirézidénti émmanuél makron élisé sariyida yawropa ittipaqi komitéti reisi ursula won dér léyén bilen ötküzgen muxbirlarni kütüwélish yighinida, pilan dairiside 2026-yilghiche yawropa ittipaqidin 39 milyard 400 milyon yawro qerz élinidighanliqini éytti.
yawropa ittipaqi komitéti reisi won dér léyénmu komitétning firansiyening iqtisadini eslige keltürüsh pilanini testiqlighanliqini bayan qilip, bu pilanning firansiye iqtisadining özgirishini kapaletke ige qilidighanliqini bildürdi.
firansiye iqtisad ministiri bruno lé mayér, 7-ayda yawropa ittipaqi qerzining birinchi bölüki bolghan 5 milyard yawroning élinidighanliqini bayan qildi.
firansiye hökümiti, 39 milyard 400 milyon yawrosi yawropa ittipaqidin biwasite élinidighan yardem pulini qoshulup, jemiy 100 milyard yawro qimmitide iqtisadni eslige keltürüsh pilani teyyarlighanidi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
