фирансийә йавропа иттипақидин қәрз алиду

түркийә авази радийоси хәвири: фирансийәниң иқтисадни әслигә кәлтүрүш пилани йавропа иттипақи комитетиниң тәстиқидин өтти.

фирансийә пирезиденти еммануел макрон елисе сарийида йавропа иттипақи комитети рәиси урсула вон дер лейен билән өткүзгән мухбирларни күтүвелиш йиғинида, пилан даирисидә 2026-йилғичә йавропа иттипақидин 39 милйард 400 милйон йавро қәрз елинидиғанлиқини ейтти.

йавропа иттипақи комитети рәиси вон дер лейенму комитетниң фирансийәниң иқтисадини әслигә кәлтүрүш пиланини тәстиқлиғанлиқини байан қилип, бу пиланниң фирансийә иқтисадиниң өзгиришини капаләткә игә қилидиғанлиқини билдүрди.

фирансийә иқтисад министири бруно ле майер, 7-айда йавропа иттипақи қәрзиниң биринчи бөлүки болған 5 милйард йаврониң елинидиғанлиқини байан қилди.

фирансийә һөкүмити,  39 милйард 400 милйон йавроси йавропа иттипақидин биваситә елинидиған йардәм пулини қошулуп, җәмий 100 милйард йавро қиммитидә иқтисадни әслигә кәлтүрүш пилани тәййарлиғаниди.