erdoghanning xush xewirige dunya taratquliri keng orun berdi

jumhur reis rejep tayyip erdoghanning qara déngizda bayqalghan tebiiy gaz zapisi toghrisidiki xush xewiri xelqara taratqularda keng orun aldi.

1652110
erdoghanning xush xewirige dunya taratquliri keng orun berdi

türkiye awazi radiyosi xewiri: engliye réytér agéntliqi, erdoghanning xush xewirini chaqmaq xewer süpitide abunitliri bilen ortaqliship: «erdoghan türkiyening qara déngizda 135 milyard kub métir zapas tebiiy gaz bayqighanliqini éytti» dédi.

amérika birleshme xewer agéntliqi, xewerni «türkiye qara déngizda tebiiy gaz bayqighanliqini uqturdi» dégen témida élan qildi.

xewerde, türkiyening buningdin ilgirimu qara déngizda 405 milyard kub métir tebiiy gaz zapisi tapqanliqi toghrisidiki uchurlarghimu orun bérildi.

amérikaning bilumbérg qanili, erdoghan xush xewirini «erdoghan qara déngizda yéngi tebiiy gaz bayqalghanliqini élan qildi» dégen témida xewer qildi.

gérmaniyening Der Spiegel  xewerler tori, xush xewerni «erdoghan qara déngizda yéngi tebiiy gaz bayqighanliqini élan qildi» dégen téma astida oqurmenliri bilen ortaqlashti.

jumhur reis erdoghanning bayanliri bosniye - gértségowinadimu küntertipke keldi.

bosniye- gértségowinadiki eng köp ziyaret qilinidighan xewer tor béketlirining biri bolghan oslobodjénjé bu tereqqiyatqa munasiwetlik xewiride: «erdoghan türkiyeni güllendürdi: u qara déngizdiki tebiiy gaz bayqishigha ait tepsilatlarni ortaqlashti» dégen ibarilerge orun berdi.

xewerde, bultur qara déngizdin tépilghan 405 milyard kub métir tebiiy gazgha isharet  qiliip, uning «2020-yilining eng chong tebiiy gaz bayqishi» ikenlikini yazdi.


خەتكۈچ: #erdoghan , #tebiiy gaz , #türkiye

مۇناسىۋەتلىك خەۋەرلەر