rénalt guruhining xizmetchiliri isyan qildi
firansiyening gherbiy shimal qismigha jaylashqan moghbiyan (Morbihan) rayonida rénalt aptomobil guruhi (Renault Group) zawutining xizmechiliri, zawutni qorshawgha élip bashqurghuchilarni görüge éliwaldi.
türkiye awazi radiyosi xewiri: eng chong péyi döletke tewe bolghan rénalt aptomobil guruhi moghbiyan rayonigha qarashliq gudun (Caudan) shehiridiki zawutini sétishni qarar qildi. zawutning texminen 350 xizmetchisi we ularning aililiri zawut sétilghanda ishsiz qalidighanliqlirini seweb körsitip, sétish qararigha qarshi chiqti we zawutning derwazilirini taqap, zawut bashqurghuchilirini görüge éliwaldi.
ishchilar uyushmilirining rehberliri teleplerge qanaetlinerlik jawab bérilmigiche héchkimning qoyup bérilmeydighanliqini bildürdi.
rénalt aptomobil guruhi bu heqte bayanat élan qilip, zawut xizmetchilirining herikitini we yette bashqurghuchini görüge éliwalghanliqini eyiblidi.
bayanatta, zawut qorshawini baldurraq emeldin qaldurush we zawut bashqurghuchilirini qoyup bérish chaqiriq qilindi we zawut sétilghanda ishchilarning xizmitini dawamlashturup, ishsiz qalmasliqigha kapaletlik qilidighan xéridar izdiliwatqanliqi qeyt qilindi.
rénalt aptomobil guruhi mart (2021) éyining axirida téjesh pilanining bir qismi süpitide zawut sétish qararini élan qilghan idi.
firansiye iqtisad, emgek we sanaet ministirliqliri bilen shirket wekillirining tünügünki (2021-yili 27-aprél) yighinida, ishchilarning xizmitini qoghdash üchün qutquzush fondi qurulidighanliqi élan qilinghan idi.
zawut ishchiliri bolsa, bu fondning özlirini qaytidin sinipqa ayrip, ishtin chiqirish pilani ikenlikini ilgiri sürmekte.
