türkiye népalgha yardem qolini sundi
türkiye diniy ishlar fondi jemiyiti népaldiki éhtiyaj sahiblirigha yardem qolini sundi.
türkiye awazi radiyosi xewiri: türkiye diniy ishlar fondi jemiyiti bu yil «qérindishingzni untup qalmang, chünki siz ümid chirighi bolisiz» shoari astida éhtiyaj sahiblirigha yardem qolini sunmaqta.
türkiye diniy ishlar idarisining riyasetchilikide türkiyening herqaysi jayliridiki saxawetchiler iane qilghan insanperwerlik yardem buyumliri, türkiye diniy ishlar fondi jemiyitining wasitisi arqiliq dunyaning oxshimighan jayliridiki köpligen kishilerning dillirini yayritishni dawamlashturmaqta.
köpligen döletlerdikige oxshashla népaldimu qiyin sharait astida yashawatqan éhtiyaj sahiblirining derdige derman boluwatqan türkiye diniy ishlar fondi jemiyiti pidaiyliri, insanperwerlik yardem buyumliri qachilanghan yéshiklarni népalgunj shehiridiki éhtiyajliq aililerge tarqitip bérishke bashlidi.
rayon xelqi teripidin qizghin qarshi élinghan türkiye diniy ishlar fondi jemiyiti pidaiyliri, yémek - ichmek yéshikliri we türlük hediyelerni oxshimighan mehellilerdiki 250 ailige yetküzüp berdi.
igilinishiche, insanperwerlik yardem buyumliri ramizan éyi boyiche népalning oxshimighan rayonliridiki insanlarghimu yetküzüp bérilidiken.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
