afriqa «yémek - ichmek kirizisi» ge duch keldi
afriqa qiteside 100 milyondin artuq kishining «palaket sewiyesi» de «yémek - ichmek kirizisi» ge duch kelgenliki bildürüldi.
türkiye awazi radiyosi xewiri: xelqara qizilay ay we qizil kirést jemiyetliri birleshmisi (IFRC) ning doklatigha qarighanda, afriqa qitesidiki toqunushlar, bixeterlik mesililiri, chéketke apetliri, kilimat özgirishliri, su apetliri we iqtisadiy kirizis qatarliq palaketler, «yémek - ichmek kirizisi» ni téximu ashuruwatqan amillar qataridin orun alidiken.
nöwette, afriqa qiteside 100 milyondin artuq kishi «palaket sewiyesi» de «yémek - ichmek kirizisi» ge duch kéliwatqan bolup, «kowid – 19» yuqumimu köpligen döletlerde mezkur kirizisni téximu ewj alduruwetmekte iken.
«yémek - ichmek kirizisi» ge eng köp duch kéliwatqan rayonlar arisida, jenubiy sudan, sumali, éfiyopiyening tigray rayoni, chad köli oymanliqi, burkina faso, mali we nigér chégrasi bar iken.
