türkiyening méwe-chiwe éksporti %22 éship 774.5 milyon dollargha yetti.

aqdéngiz méwe-chiwe éksportchilar birleshmisining bashliqi nejdat sin yazma bayanat élan qilip, türkiyening yanwar éyidin mart éyighiche bolghan mezgildiki köktat we méwe-chiwe éksporti toghrisida melumat berdi.

1620361
türkiyening méwe-chiwe éksporti %22 éship 774.5 milyon dollargha yetti.

türkiye awazi radiyosi xewiri: aqdéngiz köktat we méwe-chiwe éksportchilar birleshmisining bashliqi nejdat sin köktat we méwi-chiwe éksporti toghrisida melumat berdi.

u türkiyening bu mezgildiki köktat we méwe-chiwe éksportining ötken yil (2020) ning oxshash mezgilidikige sélishturulghanda zor derijide ashqanliqini bildürüp: «yilning deslepki charikide, türkiyening köktat we méwe-chiwe éksportining ötken yilning oxshash mezgilidikige sélishturulghanda %22 éship 774.5 milyon dollargha yetti. qolgha keltürgen bu netijilerde, ünümlük, süpetlik we bixeter ishlepchiqirishni izchilliqqa ige qilish üchün körsetken ortaq tirishchanliqlirimiz zor tesirge ige bolmaqta» dédi.

u éksport qilinghan döletler toghrisida melumat bérip: «yilning deslepki charikide eng köp rusiyege éksport qilduq we rusiyege qilinghan éksport miqdari %14 éship 228.9 milyon dollargha yetti. iraqqa qilinghan éksport %90 éship 76 milyon dollargha yetti. éksport qilinghan döletler ichide ikkinchi orunda turdi. ruméniyege qilinghan éksport %17 éship 69.2 milyon dollargha yetti we üchinchi orunda turdi. oxshash mezgilde éksport nisbiti %364 éship, éksport nisbiti boyiche birinchi orunda turghan dölet süriye boldi. éksport miqdari 22.7 milyon dollargha yetti. liwiyege qilinghan éksport %156 éship 6 milyon dollargha yetti we ikkinchi orunda turdi. awstiriyege qilinghan éksport %112 éship 7.3 milyon dollargha yetti we üchinchi orunda turdi. hindistan, ereb birleshme xelipiliki, engliye we gérmaniye qatarliq döletlerge qilinghan éksport miqdaridimu zor éshishlarni qolgha keltürduq» dédi.



مۇناسىۋەتلىك خەۋەرلەر