türkiye yer issiqliqi énérgiyesi küchini eng köp ashurghan dölet
türkiye «kowid – 19» yuqumigha qarimay yer issiqliqi énérgiyesi küchini eng köp ashurghan dölet boldi.
türkiye awazi radiyosi xewiri: xelqara sijil énérgiye orgini teripidin teyyarlanghan «2021 – yilliq sijil énérgiye küchige munasiwetlik istatistikiliq melumatlar» namliq doklatqa asaslanghanda, yer issiqliqi énérgiyesi küchi dunya boyiche aldinqi yilning axiri étibari bilen 14 ming 50 mégawatqa yetken.
bu mezgilde, yer issiqliqi énérgiyesi küchi eng yuqiri dölet, 2 ming 587 mégawatliq énérgiye küchi bilen amérika qoshma shtatliri bolghan, amérikadin qalsa 2 ming 231 mégawatliq énérgiye küchi bilen hindonéziye 2 – retke, 1928 mégawatliq énérgiye küchi bilen filippin 3 – retke, 1623 mégawatliq énérgiye küchi bilen türkiye 4 – retke tizilghan.
«kowid – 19» yuqumi aldinqi yili iqtisadiy sahelerde keltürüp chiqarghan éniqsizliqqa we zenjirsiman ishlepchiqirish paaliyetlirining aqsap qélishigha qarimay, yer issiqliqi énérgiyesi saheside küchini eng köp ashurghan dölet, 99 mégawatliq énérgiye küchi bilen türkiye bolghan.
türkiyedin qalsa yer issiqliqi énérgiyesi saheside küchini eng köp ashurghan döletler, 32 mégawatliq énérgiye küchi bilen yéngi zélandiye we amérika qoshma ishtatliri, 30 mégawatliq énérgiye küchi bilen italiye bolghan.
