түркийә йәр иссиқлиқи енергийәси күчини әң  көп ашурған дөләт

түркийә «ковид – 19» йуқумиға қаримай йәр иссиқлиқи енергийәси күчини әң көп ашурған дөләт болди.

1616462
түркийә йәр иссиқлиқи енергийәси күчини әң  көп ашурған дөләт

түркийә авази радийоси хәвири: хәлқара сиҗил енергийә оргини тәрипидин тәййарланған «2021 – йиллиқ сиҗил енергийә күчигә мунасивәтлик истатистикилиқ мәлуматлар» намлиқ доклатқа асасланғанда,  йәр иссиқлиқи енергийәси күчи дунйа бойичә алдинқи йилниң ахири етибари билән 14 миң 50 мегаватқа йәткән.

бу мәзгилдә, йәр иссиқлиқи енергийәси күчи әң йуқири дөләт, 2 миң 587 мегаватлиқ енергийә күчи билән америка қошма штатлири болған, америкадин қалса  2 миң 231 мегаватлиқ енергийә күчи билән һиндонезийә  2 – рәткә, 1928 мегаватлиқ енергийә күчи билән филиппин 3 – рәткә, 1623 мегаватлиқ енергийә күчи билән түркийә 4 – рәткә тизилған.

«ковид – 19» йуқуми алдинқи йили иқтисадий саһәләрдә кәлтүрүп чиқарған ениқсизлиққа вә зәнҗирсиман ишләпчиқириш паалийәтлириниң ақсап қелишиға қаримай,  йәр иссиқлиқи енергийәси саһәсидә күчини әң  көп ашурған дөләт, 99 мегаватлиқ енергийә күчи билән түркийә болған.

түркийәдин қалса йәр иссиқлиқи енергийәси саһәсидә күчини әң  көп ашурған дөләтләр, 32 мегаватлиқ енергийә күчи билән йеңи зеландийә вә америка қошма иштатлири, 30 мегаватлиқ енергийә күчи билән италийә болған.



مۇناسىۋەتلىك خەۋەرلەر