kowid-19 yuqumi milyardérlarning bayliqigha bayliq qoshti
kowid-19 yuqumi mezgilide milyardérlarning bayliqi 4 tirilyon dollar ashti.
türkiye awazi radiyosi xewiri: «Business Insider» tor bétining doklatigha asaslanghanda, siyaset tetqiqat insitituti(IPS) ning yuqum téz tarqalghan 2020-yili 18-marttin 2021-yili 18 martqiche bolghan soda doklatida, 2365 milyardérning bayliqining %54 lik éshish bilen 4 tirilyon dollar örligenliki bildürülgen.
doklatta yene eng bay 20 milyardérning bu mezgilde %68 lik éshish bilen 742 milyard dollar kirim qilghanliqi eskertildi.
merkiziy ishxanisi engliyede turushluq xelqara yardem teshkilati «Oxfam» mu 2021-yilining béshida élan qilghan doklatida, milyardérlarning kirimige texminen 3 tirilyon 900 milyard dollar qoshulghanliqini yazghan idi.
doklatta, bu pul bilen dunyada héchkishining wirus sewebidin namratlashmasliqini kapaletke ige qilghili bolidighanliqi, hemde dunyadiki her bir kishige yetküdek waksina sétiwalghili bolidighanliqi otturigha qoyulghan idi.
