türkiye shirkiti pakistan bilen paraxot sétip bérish kélishimi imzalidi
pakistan bilen türkiye shirkiti otturisida 33 milyon 460 ming dollarliq paraxot kélishimi imzalandi.
türkiye awazi radiyosi xewiri: pakistanning déngiz ishliri ministirliqi teripidin élan qilinghan bayanatta, paytext islamabadta ötküzülgen imza qoyush murasimigha pakistanning déngiz ishliri ministiri seyid eli heyder zeydi, türkiyening islamabadta turushluq bash elchisi ihsan mustapa we sanmar déngiz ishliri shirkiti mesullirining qatnashqanliqi bildürüldi.
bayanatta bu kélishimning ikki qérindash dölet otturisida tashlanghan muhim qedem bolghanliqi qeyt qilindi.
seyid eli heyder zeydi imza qoyush murasimida sözligen nutuqida, sanmar déngizchiliq shirkitini pakistanda paraxot zawuti qurushqa we téxnika yötkeshke teklip qildi.
kélishimge asasen, sanmar paraxot shirkiti pakistangha 12 ay ichide 33 milyon 460 ming dollarliq 4 dane ASD söresh paraxoti we 2 yolbashlighuchi paraxot yasap béridighan boldi.
