йапонийә аракан мусулманлириға җиддий йардәм бериду
йапонийә араканлиқ мусулман (роһиңйа) мусапирларниң йемәк - ичмәк вә сағламлиқ еһтийаҗлирини қандуруш үчүн 19 милйон долларлиқ җиддий йардәм бериду.
түркийә авази радийоси хәвири: йапонийә ташқи ишлар министирлиқи тәрипидин бу һәқтә елан қилинған байанатта билдүрүлүшичә, бирманиң аракан өлкисидики бесим вә зулум – ситәмдин қачқан араканлиқ мусулман мусапирларға иқтисадий йардәм берилидикән, бу даиридә, йапонийә хәлқара қизил кирест комитети, дунйа йемәк - ичмәк пирограммиси (WFP) вә хәлқара көчмәнләр тәшкилати (IOM) ниң васитиси арқилиқ аракан мусулманлириға 19 милйон долларлиқ җиддий йардәм беридикән. йардәм даирисидә, бирма вә баңладештики 58 дохтурхана вә сәһийә аппаратлири давалаш вә сағламлиқ үскүнилири билән тәминлинидикән, йемәк - ичмәк йардими һәр икки дөләттики 600 миң кишигә йәткүзүп берилидикән.
бирләшкән дөләтләр тәшкилатиниң бу һәқтики доклатиға қариғанда, 2017-йили, авғусттин кейин, аракандики бесим вә зулум - ситәмдин қечип баңладешта панаһланғанларниң сани 900 миңға йәткән.
