türkiye 2020-yilini iqtisadiy éshish bilen axirlashturdi

xezine we maliye ministiri lütfü elwan türkiyening waba partlighan 2020-yilini iqtisadiy éshish bilen axirlashturghan döletlerdin biri bolghanliqini bildürdi.

1592720
türkiye 2020-yilini iqtisadiy éshish bilen axirlashturdi

türkiye awazi radiyosi xewiri: türkiye istatistika idarisi türkiyening 4-charek we 2020-yilliq iqtisadiy éshish reqemlirini élan qildi. buninggha asaslanghanda, ichki ishlepchiqirish omumiy qimmiti 2020-yili %1.8 ashqan. ichki ishlepchiqirish omumiy qimmiti 2020-yilning tötinchi charikide ötken yili (2019) ning oxshash mezgilige sélishturulghanda %5.9 ashqan.

xezine we maliye ministiri lütfü elwan 2020-yilliq iqtisadiy éshish reqemliri toghrisida: «waba partlighan 2020-yilini iqtisadiy éshish bilen axirlashturghan sanaqliq döletlerdin biri bolduq» dédi.

u twittérda hembehirligen uchurida: «2021-yili baha muqimliqigha kapaletlik qilishqa aldin ehmiyet bérimiz. pul paxalliqigha qarshi yolgha qoyidighan siyasetlirimiz, téximu süpetlik we sijil meblegh, ishlepchiqirish we iqtisadiy éshish yolini achidu» dédi.



مۇناسىۋەتلىك خەۋەرلەر