türk kéngishi énérgiye ministirliri yighinida muhim qararlar chiqirildi

türkiye awazi radiyosi xewiri: türk kéngishi énérgiye ministirlirining intérnét muhitida chaqirilghan 1 -  nöwetlik yighinidin kéyin élan qilinghan yazma bayanatta, türkiyening yighinning küntertipidiki maddilarni muzakire qilish üchün tarmaq xizmet guruppisi qurush teshebbusining qollashqa érishkenliki tekitlendi.

maliyening énérgiye sahesidiki ehmiyitige isharet qilinghan bayanatta, xelqara pul - muamile apparatliri bilen söhbet yighini uyushturushning muzakire qilinghanliqi otturigha qoyuldi.

bayanatta, qayta hasil bolidighan énérgiye saheside mol tejribilerge ige türkiyening, tejribilirini eza döletler bilen ortaqlishishi üchün  terbiyelesh pirogrammisi orunlashturushqa teyyar ikenliki tekitlendi.

bayanatta, tereplerning néfit we tebiiy gaz sanaitidiki hemkarliqni kücheytishni xalaydighanliqi, shuning bilen bir waqitta qazaqistanning néfit ximiye mehsulatlirini teqsimlesh méxanizmi ornitish toghrisida etrapliq tetqiqat élip bérishining teklip qilinghanliqi bildürüldi.

qazaqistanning 2022 - yili ikkinchi qétimliq yighingha pirinsip jehettin sahibxanliq qilishqa qoshulghanliqi bayan qilinghan bayanatta, tereplerning énérgiye sahesidiki hemkarliqni ashurushni qarar qilghanliqi tekitlendi.

yighingha türk kéngishi bash katipi baghdat amréyéw, (türkiye) énérgiye we tebiiy bayliqlar ministiri fatih dönmez, ezerbeyjan énérgiye ministiri perwiz shahbazow, qazaqistan énérgiye ministiri nurlan nogayéw, qirghizistan énérgiye we sanaet ministiri wéronika isayéwa, özbékistan énérgiye ministiri muawini eziz elimuhemmedow, wéngiriye tashqi ishlar we soda ministirliqining énérgiye we kilimat ishlirigha mesul emeldari dora zombori qatarliqlar ishtirak qildi.